Rwanda: Madame Yvonne Idamange ntabwo azahunga kandi nta nubwo azaceceka akarengane!

Ijoro ryo kuwa gatatu rishyira kuwa kane taliki ya 11/02/2021 ntabwo ryoroheye Abanyarwanda bari imbere mu gihugu no mu mahanga bakunze gukurikira ibiganiro bya Madame Yvonne Idamange Iryamugwiza. Muri iryo joro Madame Yvonne Idamange yatanze ikiganiro gikomeye cyane kivuga ku karengane ubutegetsi buriho mu Rwanda bukorera Abanyarwanda no gutoteza Abacitse ku icumu rya jenoside. Yamaganye ingeso iriho mu Rwanda y’abantu bakomeje kunyerezwa. Nyuma y’igihe gito Madame Yvonne Idamange ashyize icyo kiganiro ku rubuga rwe rwa Youtube yahise atanga ubundi butumwa kuri urwo rubuga avuga ko « umwana we » nawe yanyerejwe!

Ubwo hahise hakurikiraho inkuru zivugako nyuma yo gutanga ubwo butumwa , Madame Idamange n’abana be nabo baburiwe irengero! Ibyo byatumye aho Abanyarwanda bari hose bacikamo igikuba kubera ayo makuru y’itotezwa riri gukorerwa Madame Yvonne Idamange. Ku isaha ya saa mbiri za mu gitondo i Kigali, nibwo « Veritasinfo » yashoboye kubona ubutumwa bwemeza ko Yvonne Idamange yashoboye kubona umwana we ariko uwo mwaka akaba yari yahungabanye cyane!


Tugarutse ku kiganiro Madame Yvonne Idamange yatanze muri iryo joro, yibanze cyane ku ngingo 3 arizo izi zikurikira:
1)Abanyarwanda barasaba uburenganzira bwo kuvuga kandi ntibabizire.
2)Kwamagana inzego zabaringa zidakora ibyo zishinzwe, zimeze nkaho ari inkomamashyi. 
3)Gusaba isuzuma ryimbitse ku mpfu zidasobanutse no kwamagana byimazeyo imvugo yo kuvuga ko umuntu uyu n’uyu yaburiwe irengero, ejo undi nawe akaburirwa irengero.

Mugutangira iki kiganiro cye , Madame Yvonne Idamange yavuze ko abanyarwanda bafite uburenganzira bwo kuvuga icyo batekereza ariko hakaba hari ibintu bimwe bemerewe kuga n’ibindi bintu batemerewe kuvuga! Yakomeje avugako abanyarwanda babwirwa guceceka maze bagakora ibyo babwiwe gukora gusa! Madame Yvonne Idamange asanga iyo migirire yo gucecekesha Abanyarwanda ituma babika agahinda kenshi mu mitima bitewe n’uko badashobora kuvuga ibintu bibabaza bityo bakaba bashobora kuvukamo ibyihebe bishobora kwizirikaho ibisasu! Madame Yvonne kandi avuga ko atazahaunga kandi akaba yariyemeje kuvuga ikimuri ku mutima, yabivuze muri aya magambo (fungura ijwi):

Nyuma y’aho Madame Yvonne Idamange atangarije ko umwana we yashimuswe, abantu bose bahagurukiye ku mutabariza, Madame Espérance Mukashema akaba yarashyize ahagaragara ubutumwa bwo gutabariza umwana wa Yvonne Idamange kugirango arekurwe ndetse anatabariza muri rusange umuryango we wose n’abandi bakomeje guhura n’akarengane baterwa n’ubutegetsi bwa FPR-Inkotanyi, Madame Espérance Mukashema akaba yaratanze ubutumwa bukurikira (fungura ijwi):

 

Mubutumwa yatanze bwo kumenyesha ko yabuze umwana we , Madame Idamange yavuze ko akomeje gutotezwa no guhimbirwa ibyaha byo gupfobya jenoside yarokotse. Yvonne Idamamange agaragaza ko abamushinja gupfobya jenoside batayizi kandi akaba ari abashinyaguzi baba batoneka ibisebe by’abayirokotse.

Hasi aha mu rumva ikiganiro cyose cyo kuwa gatatu  Yvonne Idamange Iryamugwiza yagejeje kubamukurikira:

Soyez le premier à commenter

Poster un Commentaire

Votre adresse de messagerie ne sera pas publiée.