Rwanda: Ni ibihe bibazo bikakaye bitagenda neza mu Rwanda bituma FPR yita umunyamakuru Agnès Uwimana Nkusi umwanzi w’igihugu?

Madame Nkusi Uwimana Agnès

Hanshize iminsi hanyura ku mbuga nkoranyambaga ubutumwa bunyuranye buvuye mu Rwanda bugaragaza impungenge z’uko umunyamakuru uzwi cyane kandi w’inararibonye Madame Agnès Uwimana Nkusi ko yaburiwe irengero akaba atari kuboneka ku murongo wa telefoni ye. Mu kiganiro Agnès Nkusi yagiranye n’umunyamakuru wa «Kigali Info», Madame Agnès Uwimana yavuze ko yagiye mu mwiherero biba ngombwa ko telefone ye ayifunga. Muri icyo kiganiro , umunyamakuru wa «Kigali Info» yaboneyeho kubaza Agnès Uwima icyo avuga ku bibazo bituma abantu benshi bamugirira impungenge kuko bazi neza ko leta ya FPR ishobora kumugirira nabi.

Agnès Uwimana yasabwe kugira icyo avuga ku magambo y’abayobozi b’igihugu bamwita umwanzi w’igihugu, igipinga, ikigarasha n’ibindi bitewe n’uko buri gihe atangaza amakuru yerekeranye n’ibitagenda mu gihugu! Agnès Uwimana Nkusi yavuze ko ashimisha n’uko atangaza amakuru y’ibitagenda mu gihugu kuko leta ya FPR ifite ibinyamakuru byinshi yashoyemo amafaranga byamamaza ibikorwa byiza byayo. Agnès we akaba yarahisemo gushyiraho umuyobora wo kuvuga ibibazo bibangamiye rubanda. Agnès Uwimana akaba yaravuze ko yemera ikinyamakuru «BTN» kuko nacyo gitangaza amakuru afitiye rubanda akamaro atari ayo gusingiza ubutegetsi buriho.

Agnès yasobanuye kandi ibibazo bikomereye u Rwanda, nkaho yamaganye igikorwa cyo kuzana abimukira bavuye mu Bwongereza baza kuba mu Rwanda, kuriwe asanga urwo rukundo rwo kuzana abanyamahanga mu Rwanda rudahwitse mu gihe impfubyi z’Abanyarwanda zidafite imibereho n’akazi gatuma zibaho neza. Agnès kandi yanenze igikorwa cyo kwirukana abazunguzayi mu mujyi wa Kigali mu gihe cya CHOGM, akaba asanga ari uburyo bwo guhohotera abantu mu gihe n’amafaranga yatanzwe n’umwamikazi w’Ubwongereza yo kubafasha nayo yaranyerejwe!

Mushobora kumva iki kiganiro ku buryo burambuye hasi aha:

Source: «Kigali info»