Rwanda : Paul Kagame akomeje gushyira igitutu ku gihugu cy’Uburundi

Igihugu cy’Uburundi gifite idene ringana na miliyoni 9 z’amadolari y’abanyamerika kigomba kwishyura umuryango w’ibihugu by’Afurika y’iburasirazuba EAC (East African community), iryo dene rikaba ryarahereye mu mwaka 2016-2017 noneho rikagenda ryiyongera buhoro buhoro kugeza ubu. Kubera iryo dene ritarishyurwa, igihugu cy’Uburundi gikomeje gushyirwaho igitutu cy’uko gishobora kwirukanwa muri uwo muryango wa EAC. Kuva mu mwaka ushize w’2019, Paul Kagame akaba ariwe uyobora uwo muryango, none akaba yongeye kubyutsa impaka zo kwirukana Uburundi muri uwo muryango wa EAC niba icyo gihugu kidashoboye kwishyura ibirarane by’umwenda w’umusanzu kibereyemo uwo muryango !

Igitutu cyo kwirukana Uburundi mu muryango wa EAC cyongeye gufata indi ntera muri iyi minsi, kuva aho Paul Kagame uyoboye uyu muryango wa EAC yongeye kugaruka kuri iki kibazo cy’idene ry’Uburundi ritarishyurwa, kuburyo ubona icyo kibazo cy’ideni gihindanya isura ya leta  ya Evariste Ndayishimiye uyoboye Uburundi muri iki gihe. Mu kiganiro Kagame yagiranye n’ikinyamakuru cyo muri Kenya kitwa « The EastAfrican »; Paul Kagame yashyize mu majwi igihugu cy’Uburundi, asaba leta y’icyo gihugu kuzuza inshingano zayo ikishyura idene ibereyemo EAC, Kagame yagize ati : « ntabwo byumvikana uburyo ibihugu bimwe byikoreza umutwaro wabyo ibindi bihugu ». Atabinyuze ku ruhande, kagame yasabye leta nshya y’Uburundi kwishyura vuba idene ifite, byaba bitabaye ibyo icyo gihugu kigasezererwa mu muryango wa EAC.

Kagame yagize ati : « Hari igihe kimwe bimwe mu bihugu bigize uyu muryango byigeze bihura n’ibibazo bikomeye. Icyo gihe, ndibuka ko ibihugu bigize uyu muryango byateraniye mu nama, dutanga inkunga yo gufasha Uburundi bitewe n’uko icyo gihe icyo gihugu cyari mu bibazo bikomeye. Ibyo byo gufasha bishobora gukorwa rimwe cyangwa kabiri, ariko ibyo ntibigomba kuba impamvu ya buri gihe y’uko ibihugu bimwe byikoreza umutwaro wabyo ibindi bihugu. Ibyo bishatse kuvuga ko twagerageje guhuza imbaraga tugatanga imfashanyo, ariko ubu turatekerezako Uburunsdi bushobora kuzuza inshingano busabwa mu muryango kandi buftemo inyungu nyinshi, nabwo nibutange umusanzu wabwo nk’uko natwe tuwutanga ».

Ese iyi mvugo ya Kagame ntangaruka ishobora kugira mu bubanyi n’amahanga ?

Ikizwi cyo, ni uko nyuma y’itora ryabaye muri EAC ryemeje icyo cyemezo cyo kwirukana Uburundi mu muryango w’Afurika y’Uburasirazuba EAC, mu izina rya leta nshya y’i Burundi, Ministre w’icyo gihugu ushinzwe ibikorwa by’umuryango wa EAC yagize icyo atangaza kuri icyo kibazo, akaba yaragize ati : « twiyemeje kubahiriza inshingano zacu zose dusabwa n’umuryango wa EAC harimo no gukemura ibibazo bijyanye n’umutungo. Ntabwo ari ubwa mbere Uburundi bugaragarijwe umwenda bufitiye umuryango. Ubwo bukererwe bwo kwishyura uwo mwenda nta kibazo buteye na gito ».

Ese iyi mvugo ya Kagame yo gushyira igitutu ku gihugu cy’Uburundi kubera iryo dene bishobora kugira ingaruka ku mibanire y’ibihugu byombi ? Icyo ni ikibazo cyibazwa n’abakurikiranira hafi politiki yo mu bihugu byo mu karere k’ibiyaga bigari. Nta gihamya ihari y’uko iyo mvugo ya Kagame hari ikibazo ishobora gutera cyane ko muri icyo kiganiro Kagame yavuze ko yifuza gutsura umubano mwiza hagati y’u Rwanda n’Uburundi, Kagame yavuze ko leta z’ibihugu byombi zishobora kuvumvikana zigakemura ibibazo biri hagati y’abayobozi babyo.

Ikigaragara cyo ni uko amasinde ari hagati y’ibihugu byombi akiri mabisi cyane kuburyo bisaba imbaraga zidasanzwe kugirango abayobozi b’ibyo bihugu bashobore kumvikana ! Leta y’Uburundi ishinja igihugu cy’u Rwanda kugira uruhare mu guhungabanya umutekano w’Uburundi, gufata bugwate impunzi z’abarundi zahungishirijwe mu Rwanda, kuba u Rwanda rushyira izo mpunzi mu gisilikare cy’inyeshyamba zirwanya leta y’Uburundi, kuba leta y’u Rwanda itaratanga indishyi z’akababaro kuri perezida w’Uburundi Cyprien Ntaryamira wishwe n’abanyarwanda, kuba leta ya Kagame ikomeje guha ubuhungiro abarundi barwanya leta y’icyo gihugu nka Petero Buyoya, Niyombare, Sinduhije n’abandi. Ese Kagame azemera kohereza abo banyabyaha mu Burundi ? Tubitege amaso.

Veritasinfo

S’abonner
Notifier de
guest
1 Commentaire
le plus ancien
le plus récent le plus populaire
Inline Feedbacks
View all comments
CESAR
CESAR
8 août 2020 12 h 10 min

Le Rwanda de Kagame paye ses cotisations aux diverses organisations internationales dont il est membre non pas avec ses propres ressources mais avec les aides financières internationales allouées au Peuple Rwandais. Les dires de Kagame= fabulations.