Rwanda: Paul Kagame arashinjwa gukora jenoside y’abahutu i Burundi afatanyije na Buyoya!

Buyoya (ibumoso) na Kagame (iburyo ) mu nama y'Ubumwe bw'Afurika UA 2018

Kuwa gatanu taliki ya 10 Nyakanga 2020, Paul Kagame yongeye kubeshya ikinyoma nk’icya Semuhanuka ubwo yaganiraga n’urubyiruko rumwamamaza kuri interineti. Kimwe mu binyoma bikomeye  Kagame yatangaje uwo munsi ni uko yavuze ko yifuza kugirana umubano mwiza na Leta y’Uburundi ariko ntiyavuga uburyo yifuza kugarura uwo mubano we! 

Umubano mubi wa Kagame ku burundi uhera mu mwaka w’1993, ubwo Kagame yari inyeshyamba ayoboye umutwe wa FPR-Inkotanyi, yavaga mu birindiro bye muri Uganda akajya i Burundi kubonana n’intagondwa y’umuperezida witwa Buyoya .  Kagame yahabwaga inkunga ikomeye na Buyoya irimo ibikoresho by’intambara (imbunda n’amasasu) ndetse n’abarwanyi benshi b’inkotanyi bakaba baravaga i Burundi.

Mu mwaka w’1993, abarundi batoye muri demokarasi perezida Melchior Ndadaye akaba yaramaze amezi 3 gusa ku buyobozi kuko yahise yicwa n’intagondwa z’abasilikare b’abatutsi b’i Burundi . Mu gihe Ndadaye yicwaga, Kagame akaba yari mu kigo cya gisilikare i Burundi ndetse Ndadaye bakaba baramwiciye imbere ya Kagame ku mabwiriza ye, ndetse ategeka ko bamumena umutwe kugirango arebe uko ubwonko bw’uwo muhutu uzi ubwenge bumeze! Muri Mata 1994, Kagame yarashe indege yarimo Perezida Habyarimana Juvénal w’u Rwanda na Cyprien Ntaryamira w’Uburundi.

Kubera inkunga ikomeye Kagame ahabwa naba mpatsibihugu, byatumye yigamba ko ntakosa yakoze ryo guhanura iyo ndege yarimo abakuru b’ibihugu 2 avuga ko ngo ntacyarimo! Abarundi benshi bo mu bwoko bw’abahutu barahohotewe cyane baricwa nyuma y’urupfu rwa Ndadaye bituma bafata intwaro maze barwanya agatsiko k’intagondwa kagizwe n’abasilikare ba Buyoya. Nyuma yo gufata ubutegetsi mu Rwanda mu 1994, Kagame nawe yagiye gutera ingabo mu bitugu Buyoya maze barwanya imitwe inyuranye y’abahutu b’i Burundi yari yiyemeje kurwanya Buyoya.

Muri iyo ntambara Kagame yarwanye na CNDD FDD ariyo iri ku butegetsi muri iki gihe aratsindwa, muri iyo ntambara byabaye ngombwa ko Kagame akora jenoside y’abahutu b’i Burundi kuko kurwanya CNDD FDD byari byamunaniye. Ese abarundi barabyibagiwe? Hasi aha murumva ikiganiro cyuzuyemo ubuhamya bw’uburyo Kagame yakoze jenoside i Burundi nk’uko cyateguwe n’umunyamakuru w’umurundi Claude Nduwimana:

Nkuko byumvikana muri icyo kiganiro, Kagame yohereje ingabo z’inkotanyi i Burundi mu mwaka w’1996 maze zifatanya n’ingabo za Buyoya, zijya mu misozi zihungisha abatutsi bayituyeho nyuma abahutu basigaye zikagenda zibica bose zidatoranya! Ubwicanyi bukozwe muri ubwo buryo ni jenoside idashidikanywaho ariko bitewe n’uko Kagame ari umukozi w’abazungu nta gihugu na kimwe kimutunga urutoki kimushinja iyo jenoside ariko ntibivuze ko abarundi barotse ubwo bwicanyi bibagiwe ko Kagame na Buyoya babakoreye jenoside!

Kuva aho leta y’Uburundi itangiye impapuro zo guta muri yombi Petero Buyoya kubera urupfu rwa Perezida Melchior Ndadaye, byabaye ngombwa ko Kagame aha Buyoya akazi mu buyobozi bukuru bw’ingabo z’inkotanyi RDF kandi ibyo Uburundi burabizi neza, none Kagame ati “ibyo byose barundi nimubirenzeho uruho rw’amazi ariko twongere tubane , maze dufungurire imipaka twongere kohereza inkotanyi i Bujumbura”! Ngirango abarundi bazi imbaraga nyinshi bakoresheje mu mwaka w’2015 kugirango bashobore kwirukana inkotanyi i burundi! Umenya uyu mutego mushya wa Kagame udashobora kongera kubafata!

Akarere k’ibiyaga bigari kazongera kugira umutekano usesuye Kagame atakibaho!

Veritasinfo

 

S’abonner
Notifier de
guest
4 Commentaires
le plus ancien
le plus récent le plus populaire
Inline Feedbacks
View all comments
kalisa
kalisa
14 juillet 2020 13 h 25 min

Nibyo mu baperezida bishwe na kagame mujye mushyiramo na Ndadaye Melchior. Kagame yari i Bujumbura igihe Ndadaye yicwaga. None ngo azajya mw’ijuru!!! azanyura he Petero?

CESAR
CESAR
20 juillet 2020 14 h 57 min

Parler c’est bon mais agir c’est encore mieux. Il serait judicieux, pour le Burundi, d’actionner les assassins des Présidents M. Ndadaye, C.Ntaryamira et des milliers de réfugiés burundais au Rwanda, les oubliés de l’ONU et de leur pays.

CESAR
CESAR
20 juillet 2020 15 h 00 min

Sur les réfugiés burundais, installés surtout dans la partie Est du Rwanda depuis les années 70, des milliers de femmes, enfants et hommes de tous âges et conditions ont été massivement exterminés par les soldats du FPR sur ordre de Kagame.

CESAR
CESAR
20 juillet 2020 15 h 05 min

ces réfugiés étaient sous la protection du HCR. Celui-ci a été informé de l’extermination de ces premiers par les soldats du FPR. Il n’a rien fait alors qu’il avait les moyens de les sauver et de mettre en garde Kagame via le Conseil de Sécurité ONU.