Rwanda: Paul Kagame azafatirwa mu Rugwiro atabizi! (Prof. Charles Kambanda)

Ifatwa rya Kabuga Félicien rikomeje gutangwaho amakuru menshi. Kuri uyu wa gatatu taliki ya 20/05/2020; Kabuga Félecien akaba yorongeye kwitaba ubugenzacyaha bw’urukiko rw’ubujurire ruri i Paris kugirango hasuzumwe icyifuzo cya MTPI ishami rigomba kurangiza imanza zasizwe na TPIR gisaba Kabuga kujya kuburanishirizwa i La Haye mu gihugu cy’Ubuhorandi no gusuzuma niba Kabuga ashobora kuburana ari hanze cyangwa se afunze.

Kabuga Félecien yagejejwe imbere y’urukiko yicaye mu igare rigendwamo n’abantu bafite intege nke kandi akaba yaraburanye yicaye. Mbere yo gusuma ibikubiye mu cyifuzo cyo koherezwa i La Haye, Kabuga yavuze mu rurimi rw’ikinyarwanda asaba ko bakosora umwirondoro we kuko wanditse nabi ndetse avuga ko yavutse mu mwaka w’1933, ubu akaba afite imyaka 87. Nubwo yari afite intege nke byagaragaraga ko Kabuga Félicien afite ubwonko buzima butekereza neza kuburyo yasubizaga ibibazo byose yabazwaga adategwa. Kabuga yasabye ko agomba kuburanira mu nkiko z’Ubufaransa kubera ko ubuzima bwe butameze neza  kandi akaba agomba kuburana adafunze. Abamwunganira mu mategeko basabye ko bongererwa igihe bakajya gusuzuma icyifuzo cyo kujyanwa i La Haye bityo urwo rubanza rukaba rwarimuriwe kuwa gatatu taliki ya 27/05/2020. Abantu bagwiriyemo abo mu muryango we bakaba baraje gukurikirana urubanza rwe maze bashyira akaboko hejuru basuhuza Kabuga, maze nawe azamura akaboko hejuru abasuhuza akunje igipfunsi (abereka ko akomeye).

Nyuma y’ifatwa rya Kabuga Félicien abantu benshi barimo leta ya Kigali, baratunguwe cyane ukuntu Kabuga yabonetse i Paris mu Bufaransa kandi baracyekaga ko aba muri Kenya! Umuhanga mu by’amategeko akaba n’umwarimu m’amategeko muri Kaminuza zo mu gihugu cya Leta Zunze Ubumwe z’Amerika Charles Kambada yagiranye ikiganiro na radiyo “urumuri” ndetse na radiyo “Itahuka” asesengura ku buryo burambuye uko abona ifatwa rya Kabuga. Charles Kambanda asanga Kabuga atarafashwe ahubwo yaritanze kandi leta ya Kigali ikaba itari izi aho aherereye! Kambanda akaba asanga na Kagame nawe azafatwa atunguwe, dore uko abisobanura:

Mushobora gukurikirana iki kiganiro cyose kuri radiyo “Urumuri” mukanze kuri iyi ntaruro: Ribara uwariraye: Ese koko Kabuga Félicien yaba yaritanze?

Kuri radiyo Itahuka , Charles Kambanda yaosbanuye ku buryo burambuye uko dosiye ya Kabuga iteye, akaba asanga ko ni aramuka aburanye neza ashobora kuzatsinda urubanza. Muri icyo kiganiro umunyamakuru Serge Ndayizeye yongeye kumvikanisha ikiganiro yagiranye na Madame Kabuga witabye Imana aho yasobanuye ko umugabo we Kabuga Félicien arengano ko ahubwo azira kuba ataratanze imisanzu muri FPR igihe yarwanaga ndetse akaba yarashyingiranye n’umuryango wa Habyarimana Prezida w’u Rwanda wishwe na FPR. Madame Kabuga kandi yasobanuye uburyo imitungo yabo yose yasahuwe na Kagame! Muri iki kiganiro Kambanda asobanura ko ririya shami ry’urukiko rya MTPI rigomba kurangiza imirimo ya TPIR ariryo rizaburanisha Paul Kagame n’inkotanyi bafatanyije mu kwijandika mu bwicanyi bakoreye abanyarwanda!

Mushobora  gufungura hasi aha ikiganiro Serge kuri radiyo Itahuka yagiranye na Prof Charles Kambanda:

Subscribe
Notify of
guest
0 Comments
Inline Feedbacks
View all comments