Rwanda: Paul Kagame yahuye n’uruva gusenya muri Amerika ubwo yabuzwaga kwinjira mu nama y’abakuru b’ibihugu!!

Ifoto y'urwibutso yahuje Afurika n'Amerika mu kwezi k'Ukuboza 2022

Ntabwo bisanzwe ! Inkuru iri kuvugwa cyane muri Amerika (USA), mu binyamakuru binyuranye no ku mbuga nkoranyambaga yerekeranye n’ibura rya Paul Kagame ku ifoto y’urwibutso nyuma y’inama yabereye muri Amerika yahuje abakuru b’ibihugu by’Afurika 49 na perezida wa Leta Zunze Ubumwe z’Amerika  Bwana Joe Biden kandi bizwi neza ko Paul Kagame ari muri Amerika!

Ntabwo byumvikana uburyo Paul Kagame yafashe indege akarenga imigabane 3 (Afurika-Uburayi n’Amerika) yitabiriye inama y’abakuru b’ibihugu by’Afurika n’Amerika ariko ntashobore kuyikandagizamo ikirenge! Amakuru anyuranye «Veritasinfo» ikura mu bantu bari hafi y’aho inama yaberaga yemeza ko Paul Kagame yitabiriye inama yahuje abakuru b’ibihugu by’Afurika n’Amerika; ubwo yari ageze ku muryango w’icyumba iyo nama yaberegamo abashinzwe kwakira abashyitsi baramuhagaritse, bamubwira ko atemerewe kwinjira mu cyumba cy’inama bitewe n’uko izina rye ritari ku rutonde rw’abanyacyubahiro bayitumiwemo!

Paul Kagame yabuze umuntu abaza ngo amusobanurire impamvu u Rwanda rwatumiwe muri iyo nama ariko akaba yabujijwe kuyinjiramo, niko guhita asubira inyuma n’umujinya mwinshi arataha asubira mu cyumba cya hoteli yari acumbitsemo. Ambasade y’u Rwanda muri Amerika yahise igira ikibazo gikomeye bitewe n’icyo gisebo cyo kubuza Kagame kujya mu nama ihuza Afurika n’Amerika, nibwo yajyaga gushaka ikinyamakuru kitwa «Semafor» kugirango bagirane ikiganiro; mu kiganiro yagiranye n’icyo kinyamakuru, Kagame yananiwe guhisha uburakaribwe niko kuvuga ko n’ubwo Amerika yagaba igitero ku Rwanda ikarufata atazafungura Paul Rusesabagina!

Birumvikana ko Kagame yatekereje ko yabujijwe kwinjira mu cyumba cy’inama ihuza Afurika n’Amerika kubera ikibazo cya Rusesabagina yashimuse; ariko ku mbuga nkoranyambaho ho bavuga ko Kagame yabujijwe kujya muri iyo nama kuko Amerika yari izi neza ko atari Kagame nyawe waje, ko ahubwo ari David Ndahiro ukunda kumuhagararira mu nama nk’izo waje mu izina rye; ibyo bikarushaho gutera urujijo cyane ko Vincent Biruta we yemerewe kwinjira mu cyumba cy’inama nka ministre w’ububanyi n’amahanga w’u Rwanda, ariko perezida we akabuzwa kuyinjiramo!

Biragoye muri aka kanya kumenya mu byukuri impamvu Paul Kagame yabujijwe kwinjira mu nama ihuza Afurika n’Amerika ariko uko bizagenda kose ibihe biri imbere bizaduha igisubizo. Iyo nama yarangije imirimo yayo hafatwa ifoto y’urwibutso rw’abakuru b’ibihugu by’Afurika bayitabiriye Kagame atarimo, ibyo bikaba byarakuruye amagambo menshi ku mbuga nkoranyambaga no mu binyamakuru byo muri Congo (RDC).

Veritasinfo.