Rwanda: Paul Rusesabagina ashobora guhabwa ubuhe butabera butanzwe n’urukiko rwa leta ya FPR arwanya?

Muri iyi minsi, urukiko rwa leta y’abicanyi ba FPR -Inkotanyi ruri kwiha amenyo y’abasetsi ku isi yose  aho ruri mu gikorwa cy’ikinamico, aho ruri kuvugako ruri kuburanisha Paul Rusesabagina kimwe n’abayoboke ba MRCD bibumbiye muri FLN bashimutiwe muri RD Congo. Abo bose barashinjwa ibyaha byinshi bikubiye mu cyaha kimwe gusa cyo kuba mu mutwe wa politiki urwanya ubutegetsi buriho bwa FPR-Paul Kagame. Niba se Paul Rusesabagina n’abo bareganwa bashinjwa icyaha cyo kurwanya ubutegetsi buriho mu Rwanda kandi bakaba bari kuburanishwa n’ubwo butegetsi barwanya, ubwo ubutabera bagomba guhabwa ni iyo leta bwaba bumeze gute?

Iri kinamico ry’urubanza rwa Rusesabagina n’abo bari kumwe ntabwo ryagombye gutesha abantu igihe kuko umwanzuro w’icyemezo cy’urukiko wanditswe muri mudasobwa (ordinateur) cyera cyane mbere y’uko iryo kinamico ry’iburanisha rikorwa. Nk’uko  ikiva mu matora akorwa na leta ya FPR-Inkotanyi kiba kizwi mbere y’uko ayo matora aba, ni ikizava mu rubanza rwa Paul Rusesabagina n’abo bari kumwe kizwi mbere y’uko ikinamico ry’urubanza riba.  Hari ibyemezo byafashwe n’ingirwabacamanza ba FPR bigaragaza neza ko nta mpamvu y’uko Rusesabagina yakomeza guta igihe ngo ari kuburana imbere y’ubucamanza bwa leta ya FPR arwanya; muri ibyo byemezo twavuga ibi bikurikira:

1.Ibyerekeranye n’ubwenegihugu: Urukiko rwa Kagame, ruvugako n’ubwo Paul Rusesabagina afite ubwenegihugu bw’Ububiligi, akaba adafite ubwenegihugu bw’ubunyarwanda, bityo akaba atagomba kuburanishwa n’inkiko z’u Rwanda; iyo ngingo ntashingiro ifite kuko u Rwanda rufite uburenganzira bwo kuburanisha umunyamahanga uwo ariwe wese uri kubutaka bwarwo ucyekwaho gukorera ibyaha ku butaka bw’u Rwanda cyangwa se mu mahanga.

2.Ku kibazo cy’uko Paul Rusesabagina yashimuswe akagezwa mu Rwanda bitari ku bushake bwe ahubwo akaba yarahagejejwe ashimuwe hakoreshejwe ubushukanyi, bityo urukiko rw’u Rwanda rukaba rudafite uburenganzira bwo kumuburanisha ndetse n’ibyo ashinjwa byose bikaba impfyabusa; urukiko rwa FPR-Kagame rwavuze ko ibyo Rusesabagina avuga ntashingiro bifite, bityo akaba agomba kuzakurikirana abamushimuse ariko urukiko rugakomeza akazi karwo ko kumuburanisha!

3.Ku kibazo cy’uko Paul Rusesabagina yagejejwe mu butabera bw’u Rwanda bidakurikije amategeko y’uko abanyamahanga bacyekwaho gukora ibyaha boherezwa kujya kuburanira mu bindi bihugu, ibyo nabyo nta shingiro bifite (une extradition supérivisée par un tribunal indépendant)!  Kuri iyi ngingo nta bisobanuro urukiko rwa FPR-Kagame rwagaragaje, gusa bavuze ko hari n’ibindi bihugu byagiye biburanisha abantu bashimuswe mu buryo bumeze kimwe n’uko Rusesabagina yashimuswemo.

Izi ngingo uko ari 3 zinyuranye n’amategeko kandi zigaragaza ko Rusesabagina ntabutabera azahabwa. None se ni iki kindi Rusesabagina azavuga imbere y’urukiko rwa FPR-Kagame kirusha  uburemere ziriya ngingo 3 zigaragaza uko amategeko yahonyowe?  Mu mikorere ya leta y’inkotanyi, biragaragara neza ko urubanza rwa Rusesabagina n’abo bari kumwe rwaciwe cyera, ibyo bibereyemo akaba ari ikinamico.

Rusesabagina yagombye gushakira ubutabera ahandi, ibyo kwirirwa yisobanura imbere y’ubutabera bwarangije kumukatira ni uguta inyuma ya Huye! Inkotanyi nizo zigomba kuzashyira ku munzani inyungu zizakura mu kugumisha Rusesabagina mu gihome naho ibyo kuvuga ko ruzatanga ubutabera bunyuze mu mucyo ni “uguca umugani ku manywa no kwiha amenyo y’abasetsi!None se Rusesabagina azavuga ko atarwanya leta ya FPR-Kagame?

Imana ifashe Abanyarwanda kuzabona leta itanga ubutabera bwuzuye nk’uko abandi baturage bo mu bihugu byiyubashye bibona ubutabera.

Veritasinfo

Kanda kuri iyi nteruro usome  (mu gifaransa) imyanzuro y’inteko ishingamategeko y’igihugu cy’Ububiligi ku kibazo cya Rusesabagina

PS: Iryavuzwe riratashye, Paul Rusesabagina yahagaritse ibyo kuburanira imbere y’inkiko za lata ya Paul Kagame 

Veritas

6 Comments

  1. Urubanza rwa Rusesabagina ntabwo ruzarangira.Ntabwo ubucamanza bwigenga. Byonyine kuba yarashimuswe,akaba atari n’umunyarwanda, iyo ubucamanza buba bwigenga buba bwamurekuye bukavana mw’isoni Let y’u Rwanda yamushimuse ikaba yarabuze uko ibyikuramo.?

  2. Njya mbwira abantu ko bagomba gusoma. Inkuru y’uriya “mukozi” w’imana na RIB yasohotse mu binyamakuru.Ukuntu yashoboye gushuka umuntu nka Rusesabagina ntibyumvikana!!!

  3. Twizere ko uyu atari umutego Kagame yatezwe. Nka wa wundi Abanyamerika bateze Saddam muri 1993, mbere yo kumucinya !
    Ni Ambassadrice wabo wahaye umugisha gutera Koweti, ngo habe annexion kuri Irak.
    Ibyakurikiyeho turabizi twese.

  4. Le tribunal étant devenu une sale de spectacle avec comme acteurs principaux les juges et le ministère public mais avec des prestations pathétiques, C’est à bon droit que Rusesabagina a décidé de ne plus retourner dans cette sale comme spectateur.

  5. Dans ce pays, les juges sont devenus des comédiens mais de mauvaise qualité, les docteurs en droit comme Bizimana JD, sont experts en délations, racket, chantages etc. contre les Rwandais listés. Cela montre la déliquescence qui frappe le Rwanda.

Leave a Reply