Rwanda-RD Congo: Louise Mushikiwabo aravugwa mu gikorwa cyo kwicisha uburozi Perezida Tshisekedi wa Congo!

Mushikiwabo yafatiwe mu cyuho cyo kuroga Tshisekedi!

Inkuru y’uko Louise Mushikiwabo ariwe wohereje uburozi bwa «Cyanure» i Kinshasa ashaka kwica Perezida wa RDC Bwana Félix Tshisekedi yabaye kimomo ku mbuga nkoranyambaga ndetse no mu binyamakuru binyuranye! Leta ya FPR-Kagame ikaba imaze kugaragariza isi yose ko ikoresha uburozi mu kwica Abanyarwanda batavuga rumwe nayo ariko itaretse n’abakuru b’ibihugu badashyigikiye imikorere yayo. 

Ku italiki ya 12/11/2022, ibiro by’umukuru w’igihugu cya Congo (RDC) byakiriye ibahasha (enveloppe) nini ivuye mu gihugu cy’Ubufaransa igenewe perezida w’icyo gihugu. Mbere yo guha umukuru w’igihugu iyo bahasha, abakozi bo mu biro bye bagize amakenga maze bafungura iyo bahasha basanga harimo urwandiko ruriho uburozi bwo mu bwoko bwa «Cyanure». Iyo bahasha bahise bayohereza mu isuzumiro kugirango bamenye  ubwoko bw’ifu y’umweru bari bamaze kubona muri iyo bahasha.

Nyuma y’isuma, hemejwe ko iyo bahasha irimo uburozi bwa Cyanure (siyanire). Ubwo burozi bukaba bwica vuba cyane umuntu uba abukozeho cyangwa se abuhumetse. Iyo umuntu ahumetse uburozi bwa Cyanure , buhita bujya mu bihaha bukabifunga , umuntu ntashobore guhumeka agahita yitaba Imana.  Uburozi bwa cyanure bugaragaza ibimenyetso bimeza nk’ibya «coronavirus» ku muntu wabuhumetse!  Nyuma yo kubona ubwo burozi , ubuyobozi bwa Congo bwagize ayo makuru ibanga maze hatangira iperereza ryo kumenya aho bwaturutse!

Hemejwe ko ubwo burozi bwoherejwe i Kinshasa n’umuryango mpuzamahanga ufite ikicaro mu Bufaransa ariko izina ry’uwo muryango ukaba waragizwe ibanga! Muri iki gihe ibinyamakuru bya Congo bikaba byemeza ko ubwo burozi bwoherejwe i Kinshasa na Louise Mushikiwabo muri gahunda yo kwica perezida w’icyo gihugu Félix Tshisekedi. Bwana Turayishimye Jean Paul akaba yarakurikiranye amakuru avugwa kuri ubwo burozi bwohererejwe Tshisekedi. Dore uko abivuga (fungura ijwi munsi y’ifoto):

Abanyarwanda baca umugani ugira uti: «Ntawe uyoberwa umwibye, ahubwo ayoberwa aho yamuhishe»! Abanyarwanda bazi neza ko ubutegetsi bwa FPR bufite uburozi bwica nka Cancer bakunze kwita «utuzi twa Munyuza», none ubu amahanga agiye kumenya ko FPR ifite uburozi bukaze yicisha abakuru b’igihugu bukora nka Coronavirus bwitwa «Agafu ka Mushikiwabo»!

Nyuma yo kuvumbura ubu burozi bwa Cyanure  bwitwa «Agafu ka Mushikiwabo», Abarundi n’Abatanzaniya bazahita bamenya uburwayi bwahitanye perezida Petero Nkurunziza na Magufuri, bombi bitabye Imana batarwaye bitewe no kunanirwa guhumeka nk’uko uburozi bw’Agafu ka Mushikiwabo bwica; bivugwa ko abo bakuru b’ibihugu bishwe na Covid-19!

Abayobozi n’abaturage b’ibihugu bihana imbibi n’u Rwanda bagomba kurya bari menge, bagomba kumenya ko  igihe cyose bakomeje kurebera ubutegetsi bw’umwicanyi Kagame ntibaburwanye, bwo butazajijinganya kubarwanya kandi bukabarimbura! Ngo uhishira umurozi akakumaraho urubyaro! Ibihugu byo mu karere k’ibiyaga bigari bizabona amahoro ari uko ubutegetsi bwa FPR (killing machine) buvuyeho burundu mu Rwanda!

Hasi aha mu rumva ku buryo burambuye ikiganiro cya Turayishimye JP kuri aya marozi ya Mushikiwabo!

Veritasinfo.