Rwanda: RIB isigaye isuzugura ibyemezo bya Présidence kuko izi ko Paul Kagame atagihari!

Hashize umwaka n’amezi 7 Paul Kagame atigaragariza Abanyarwanda. Muri icyo gihe cyose amaze leta ya FPR-Inkotanyi ikimaze yerekana Paul Kagame mu mashusho ari kuvugana n’abayobozi b’abanyamahanga aba yakiriye mu Rugwiro . Abanyarwanda kandi beretswe amashusho ya Kagame yakira perezida w’Ubufaransa Emmanuel Macron mu Rugwiro ndetse no mu Bufaransa. Kuwa gatandatu taliki ya 28/08/2021 saa yine za mugitondo Paul Kagame yerekanwe mu mafoto ari mu Budage, ariko nko guhumbywa ku isaha ya saa kumi z’amanywa kuri iyo taliki Paul Kagame yerekanwa mu mashusho ari kureba umupira wa Basket Ball wahuzaga u Rwanda na Cap Vert kuri SERENA i Kigali! Ashobora kuba yarazanywe n’icyogajuru cy’Abanyamerika bamushyigikiye! Igitangaje muri byose ni uburyo uwo Kagame ufite imbaraga zidasanzwe adashobora kuyobora igihugu, akaba adashobora kwakira ibibazo by’abaturage, akaba adashobora no gushyira umukono ku byemezo bikomeye biba byafatiwe mu nama y’abaministre cyangwa se byafashwe n’urwego rw’umukuru w’igihugu (présidence)! Ese aho uwo Kagame batwereka si umukorano , Kagame nyawe bakaba baramushyize mu kabati?

Twagiramungu Eric

Iryo zimira rya Kagame rikaba ryarakuruye akajagari gakomeye mu gihugu, abantu bakaba bari kwicwa buri munsi n’inzego zishinzwe umutekano, bakitabaza umukuru w’igihugu bakamubura! Birazwi neza ko mu bihe binyuranye Kagame nyawe yakoreshaga inama z’abaturage bakamubwira ibibazo byabo maze agahamagara inkomamashyi z’abayobozi be zikisobanura. Kagame nyawe ntabwo yatinyaga gukubita inshyi mu matwi abasilikare bakuru b’Inkotanyi bitwaye uko atabishaka; ariko kuba muri iki gihe urwego rw’Ubushinjacyaha bwa RIB busuzugura icyemezo cyafashwe n’ibiro by’umukuru w’igihugu (Présidence) ni uko RIB izi neza ko Kagame nyawe atagihari! Urugero rufatika n’urw’umuturage witwa Twagiramungu Eric, wabaye umukozi wa ministeri y’ingabo za Kagame nyuma akaza guhohoterwa mu kazi yakoraga agahinduka ikimuga. Ministeri y’ingabo yanze ku muvuza, yitabaza inkoko biba iby’ubusa! Kuri uyu wa kabiri taliki ya 31/08/2021 uwo Twagiramungu Eric yagiye mu buyobozi bukuru bw’igihugu gushaka Kagame (nyawe) ngo amurenganura, ageze muri Présidence bamubwirako umukuru w’igihugu ( Kagame nyawe) adashobora kuboneka kubera corona! Ahubwo abakozi ba présidence bamwohereje muri RIB ngo abe ariyo ikemure ikibazo cye;  ageze muri RIB bahita bamushimuta bajya kumutera imiti yo kumusinziriza mu bita bivura indwara zo mu mutwe biri i Ndera. Bwana Twagiramungu Eric yagerageje guhamagara umunyamakuru wa ISHEMA TV amubwira uburyo ashimuswemo, ni mwumve uko yamubwiye (fungura amajwi hasi):

None se Paul Kagame nyawe yaba ari kuboneka RIB igakora ibyo? Ushobora gukanda kuri iri jambo ukumva icyo kiganiro cyose : « Undi muturage aduhamagaye atabaza« . Nyuma ya Eric undi munyarwanda wibasiwe na RIB ni Bwana Rashid Hakuzimana umaze iminsi 3 ashyirwaho igitutu cyo kwitaba RIB, nawe ntamahirwe afite yo gucika abo bicanyi!, byanze bikunze nawe igiye kumunyereza. Iyo RIB ishobora kuba yariyemeje kurimbura Abanyarwanda bose ibikoze mu izina ry’ubutegetsi bwa Paul Kagame nawe waburiwe irengero! Ese ubu bwicanyi bwa RIB buzahera burundu kuburyo ababukora batazabubazwa? Nyuma yo kuherereza convocation ku nshuro ya gatatu, Bwana Joseph Matata, impirimbanyi mu burenganzira bw’ikiremwamuntu yandikiye RIB ashinganisha Rashid, dore ubutumwa yayigeneye:

Uraho Mushinjacyaha ukora muri RIB ukaba ari wowe watumije Rashid Hakuzimana. Ubu butumwa wazabusangiza Colonel Jeannot Ruhunga uyobora iyo RIB. Nitwa Matata Yozefu nkaba Umuhuzabikorwa wa CLIIR (Centre de Lutte contre l’impunité et l’injustice au Rwanda) n’umuryango urwanya Umuco wo Kudahana no Kurenganya mu Rwanda.

Ndagusaba KURINDA UMUTEKANO WA RASHID kubera akamaro kanini afitiye icyo gihugu. Namugereranya nka « Tuyau d’échappement » isohora imyuka y’umuriro wa moteur iyo irimo kwaka. Urumva ko moteri ishobora guturika cyangwa kuzima iramutse itagifite système isohora uwo muriro. Ngako akamaro ka Rashid. Yahindutse ubuhumekero.

Ka gatsiko gashinzwe gusenya ubutegetsi  bw’igitugu bubakandamiza niko gafite inyungu ikomeye kubikorwa by’indashyikirwa byo gusohora umwuka w’UMUBABARO système tyrannique ya FPR-INKOTANYI yazanye mu Rwanda. Iyi numero yawe sinzi niba iriho WhatsApp mba ngushyiriyeho IMPURUZA ikubiyemo AKAMARO gakomeye ka Rashid n’abandi nkawe. Video isobanura akamaro k’abatavugarumwe na FPR-INKOTANYI iri mu kiganiro nakoranye na RADIO TV INKINGI ejo kuwa Kabiri tariki 31Kanama 2021.

Kuri téléphone ya Bwana Rashid naraye nkimwoherereje. Ubu ngiye koherereza iyi message ngejeje kuri RIB ABANYAMAKURU bakorera abaturage. Mugire UBUSHISHOZI bwo kutazongera gutwika u Rwanda nkuko byagenze muri 1994. Kuko namwe mushobora guhiramo. Rashid mumuhe amahoro kuko akarengane k’ibihekane igihumbi kari mu Rwanda  n’ukuri kwambaye ubusa. Kandi Rashid niko yamagana, agaharanira UBUMWE NYAKURI bw’abanyarwanda. Kandi agatanga inama, ibisubizo n’imiti yo GUKOSORA ibitagenda neza. Rashid n’umuntu w’agaciro wiyemeje kwera imbuto ntimuzamuhotore nka Kizito Mihigo.

Baca umugani ngo  « uvuze ko nyirurugo yapfuye siwe uba umwishe ». Rashid siwe wangisha abaturage Leta y’igitugu, ahubwo ubugome bw’inzego zayo nibwo abaturage barambiwe. Kandi ntimuzatinda kubibona kuko bizakubita nk’inkuba nimutikosora.

Bikorewe i Bruxelles kuwa Gatatu tariki ya 01 Nzeri 2021.

MATATA Yozefu.

Soyez le premier à commenter

Poster un Commentaire

Votre adresse de messagerie ne sera pas publiée.