Rwanda: “Tugomba kujagajaga amahanga tugiye guhiga abatwiciye n’ubwo baba baragizwe abere n’ubutabera” (Perezida wa Ibuka)

Mubuhamya yasize mbere yo kwicwa, Mutagatifu Kizito Mihigo ashinja uyu Dusingizemungu Jean Pierre uyobora Ibuka ko ari mu bantu bamutoteje!

Ku rubuga  rwitwa “Instinzi TV” rwa “YouTube”, kuri iyi taliki ya 2/05/2020 hashyizweho amashusho (vidéo) yerekana Bwana Dusingizemungu Jean Pierre umuyobozi wa Ibuka avuga ijambo mu muhango wo kwibuka wabereye i Nyanza uhuje urubyiruko rwacitse ku icumu rwarangije kaminuza rwibumbiye mu muryango rwise GAERG . Nubwo ayo mashusho yagaragajwe kuri iriya taliki twavuze hejuru, biragaragara ko uwo muhango wo kwibuka wabaye umwaka ushize w’2019 ariko iryo jambo ntiritangazwe mu binyamakuru muri icyo gihe ryavugwaga, tukaba twibaza impamvu iryo jambo rishyizwe ahagaragara muri ibi bihe umucikacumu ukomeye kandi uzwi Kizito Mihigo yanizwe n’inkotanyi! Ikigaragaza ko iri jambo ryavuzwe umwaka ushize ni uko  abantu badashobora guterana muri ibi bihe byo kwirinda icyorezo cya Coronavirus, cyane ko leta ya Kagame  yashyizeho gahunda ya “Guma mu rugo” kandi akaba nta muntu numwe mu bari muri iyo nama wari wambaye “Agapfukamunwa” (masques) nkuko bigaragara ku mashusho.

Ijambo perezida wa Ibuka Dusingizemungu yavugiye muri uwo muhango rikaba ari rutwitsi kandi rikaba risenya kuburyo bugaragara ubumwe n’ubwiyunge hagati y’amoko y’abanyarwanda, ibyo bikaba binyuranyije n’itegekonshinga ryo mu mwaka w’2003 inkotanyi zishyiriyeho! Muri iryo jambo Dusingizemungu arahamagarira urubyiruko rw’abatutsi  kujagajaga ibihugu by’amahanga rugiye mu gikorwa cyo guhiga abanyarwanda babihungiyemo (abahutu) bakekwaho kugira uruhare muri jenoside n’ubwo abo bahutu baba baragizwe abere n’inkiko! Dusingizemungu yavuze kandi ko abacikacumu (abatutsi) bagomba gucengera kiliziya gatulika bagahindura amahame yayo bityo abapadiri n’ababikira bagahabwa uburenganzira bwo kubyara! Ni mwumve uko Dusingizemungu avuga ibyo guhiga abahutu:

Iri jambo rya Dusingizemungu riteye kwibaza! Iyo urebye neza ikigamijwe ni uko Ibuka yo mu Rwanda ishaka kwerekana ko abatutsi bameze kimwe n’abayahudi bo muri Israyeli kandi ko bagomba gukora nkabo, nyamara ntabwo abayahudi aribo bakomye imbarutso ya jenoside yabakorewe nk’uko Kagame na FPR b’abatutsi bakomye imbarutso ya jenoside yo mu Rwanda yakorewe abatutsi n’abahutu. Abatutsi bo muri FPR bashinjwa kuba barakoze jenoside y’abahutu kandi bakaba bakomeje kuyikora; inkotanyi kandi zivanze n’interahamwe mu mwaka w’1994 maze zica abatutsi ku bwinshi kugirango ubwicanyi bwazo buzigereke kuri leta y’abatabazi bityo amahanga azifashe gutsinda urugamba, kandi niko byagenze! Urwo rupfu rw’abatutsi inkotanyi zikaba zararwise “kumena amagi zikarya umuleti”! Ibyo byose abatutsi bari mu gihugu barabizi! Amateka atubwira ko nta hantu na hamwe havugwa ko abayahudi bo muri Israyeli bashinjwa gukora jenoside y’abandi bayahudi nk’uko bimeze ku nkotanyi! Ese ko Kagame n’abatutsi b’intagondwa bishe kandi bakomeje kwica abatutsi, ni kuki Ibuka na Dusingizemungu batabivuga? Ni uko se iyo umututsi yishwe n’undi mututsi bititwa icyaha?

Ikindi kibazo gikomeye iri jambo rya Dusingizemungu rigaragaza ni uko batemera ubutabera, ahubwo bagashyira imbere ibikorwa byo kwihorera buhumyi ku bundi bwoko; Dusingizemungu akaba yaratangije ku mugaragaro gahunda y’ibikorwa byo guhungabanya umutekano w’ibihugu byo ku isi muri gahunda yo guhigana hagati y’abahutu n’abatutsi mu bihugu binyuranye byo ku isi! Ibi bikaba bishimangira ikibazo leta ya Uganda yagaragaje kuva cyera ko Kigali yohereje abicanyi bo kwica impunzi ku butaka bwayo nk’uko Kagame abikora muri Congo no mu bindi bihugu!

Ese uyu mugambi wa Dusingizemungu uzahira Ibukana, n’abatutsi batekereza nka we? Amateka azaduha igisubizo, gusa ikizwi cyo ni uko abantu bose bagerageje kurimbura ubundi bwoko barangije ubuzima bwabo kuri iyi si uwo mugambi batawugezeho!

Hasi aha murumva ijambo ryose Dusingizemungu yavuze.

S’abonner
Notifier de
guest
0 Commentaires
Inline Feedbacks
View all comments