Rwanda :Umugambi wo kwica Paul Rusesabagina nk’uko Dr Paul Farmer yishwe wagiye ahagaragara!

Iryavuzwe riratashye! Ngo mu marembera y’ingoma ya Rwabujindiri, Abanyarwanda bazapfa ari benshi ku buryo ubwo bwicanyi buzasiga abantu bacye cyane mu gihugu ku buryo umuntu azajya ava i Gitarama, akajya kurahura umuriro ku muturanyi we uri i Kigali nk’uko byahanuwe na Magayane!

Abanyarwanda benshi batekereje ko ubwo bwicanyi buvugwa ari génocide yabaye mu mwaka w’1994, ariko bamwe mu Banyarwanda babanye na Magayane ndetse bagakurikirana ubuhanuzi bwe, bemeza ko ubwo bwicanyi karundura buvugwa na Magayane butaraba! Ese aho ubu bwicanyi budatoranya buri gukorwa na Paul Kagame alias David Ndahiro afatanyije na Dan Munyuza ntibwaba aribwo bwahanuwe?

Muri iki cyumweru, ku mbuga nkoranyambaga zihuza Abanyarwanda benshi, hari kunyuraho ikiganiro umwicanyi ruharwa Dan Munyuza yarimo agirana numwe mu bicanyi be w’umusilikare ushinzwe ibikorwa by’ubwicanyi bw’Abanyarwanda banyerezwa bagafungirwa ahantu hatazwi! Muri icyo kiganiro Dan Munyuza asobanuramo uburyo burimo gukoreshwa mu guhimbira ibyaha umunyarwanda wamenyekanye cyane muri sinema y’u Rwanda witwa Uwihoreye Jean Bosco uzwi ku izina rya Ndimbati.

Ndimbati

Umugore witwa Eugénia akaba ariwe uri gutegurwa mugushinja ibinyoma Ndimbati kandi yaramuka abyanze nawe akazicwa nk’uko abandi bose bakoreshwa mu bwicanyi bicwa! Amashusho yo gusambanya abana bari guhimbira ndimbati akazabanza kunyuzwa muri « Rushyashya« ! Muri icyo kiganiro hari amazina y’abantu bavugwamo bagomba kuzakoresha mu bwicanyi bunyuranye ndetse n’abantu bagomba kwicwa mu maguru mashya. Ku rutonde rw’abantu bagomba kwicwa harimo Paul Rusesabagina ugomba kurogwa ndetse n’izina ry’ugomba kumuroga rikaba ryaravuzwe muri icyo kiganiro.

Dan Munyuza kandi yasobanuye neza ko abantu bakoreshwa mu bugizi bwa nabi bashakishwa hakurikijwe amasano bafitanye n’abo bashaka kwambura ubuzima kandi abo bakoreshejwe ayo mahano nabo amaherezo bakaba bagomba kuzicwa kugirango batazamena ibanga. Muri icyo kiganiro kandi bagaragaje ko Umuganga w’umunyamerika witwa Dr Paul Farmer witabye Imana aguye mu rwanda taliki ya 21/02/2022 yishwe arozwe na Dan Munyuza, akaba yarakoresheje umugore witwa Mukandagano! Uwo muganga washinze kaminuza ya Butaro bivugwa ko yishwe n’umutima biturutse ku muvuduko w’amaraso none Munyuza yivugiye ko ariwe wamuhitanye! Ubwo buryo yishwemo nibwo buryo Munyuza ashaka gukoresha mu kwica Paul Rusesabagina! Igitangaje ni uko undi munyamerika witwa Joe Ritchie nawe wapfuye urw’amarabira taliki ya 22/02/2022 aguye muri Amerika kandi akaba yari inshuti magara ya Kagame, hatamenyekanye icyamwishe; niba nawe yari avuye mu Rwanda vuba ubwo nawe ashobora kuba yararozwe!

Dan Munyuza kandi avuga ko yagabye amashami hirya no hino ku isi yo kwica Abanyarwanda ndetse akavuga n’amazina y’abantu akorana nabo nko mu gihugu cy’Afurika y’epfo, Ububiligi n’ubufaransa. Abantu biyumva muri iki kiganiro cya Dan Munyuza bagomba kwishinganisha kuko urupfu rwa FPR ruri kubagera amajanja! Dan Munyuza avuga kandi ko Abanyarwanda bavuye mu mamahanga bagiye mu Rwanda bagerayo bakanyerezwa bakajya gufungirwa ahantu hatazwi (self house), Munyuza yemeza ko kubera imyanya yabaye micye y’aho bafungirwa , biba ngombwa ko bicwa vuba cyane batabajijwe ku byaha byakekwaho kugirango batange umwanya w’aho bagomba gufungira abandi!

Fungura aya majwi hasi aha wumve icyo kiganiro cyose!

Veritasinfo