Rwanda: Umukuru w’igihugu yahawe urukingo rwo kwirinda Covid-19

Igihugu cy’u Rwanda kiyobowe kuburyo bw’amayobera! Uwari umukuru w’igihugu Paul Kagame asigaye ayoboresha igihugu amashusho ye! Kuri iyi taliki ya 11/03/2021 inkuru y’ikingirwa rya Paul Kagame yasakaye mu kinyamakuru « igihe ». Mu mafoto yerekanywe , Kagame yari yitonze, yambaye amadarubindi adafashe ku matwi yombi , maze bamutera agashinge k’urukingo rwa Covid-19 kukaboko kabyibushye kurusha akandi!

Iyi nkuru y’ikingirwa rya Kagame ikimara gutangazwa, abantu benshi ku mbuga nkoranyambaga bayigize urwenya, hari uwavuze ati :  » Ese burya n’ikuzimu batanga urukingo rwa covid-19?« . Abandi bantu banyuranye bibajije ukuntu Paul Kagame nk’umukuru w’igihugu yaherewe urukingo ku bitaro ba Faïsal i Kigali ariko ntihagire umuntu numwe umubonaho!  Ibibazo byabaye byinshi, bamwe bati:  Ese ni kuki igikorwa nk’iki cy’uko umukuru w’igihugu yakingiwe kidakorwa ku mugaragaro ngo bibe n’ikimenyetso n’urugero rwiza ku benegihugu?

Kuba Kagame amaze umwaka wose atagaragara imbere y’abaturage, ni ikimenyetso gishimangira ko atagishoboye kuyobora igihugu kubera ikibazo cyo kurwara ndetse amakuru menshi akaba yemeza ko yashizemo umwuka cyera bikagirwa ibanga n’agatsiko gategeka mu mwanya we. Ako gatsiko kakaba kagizwe n’abasilikare bakuru bavuye i Burundi. Ikibazo aho gikomereye ni uko abasilikare bose b’inkotanyi badashaka ko Kagame yasimburwa n’umusivili, iyo noneho uwo musivili abaye umuhutu, kuri abo basilikare aba ari umwaku , niyo mpamvu Ngirenke na Iyamuremye batagetswe kwihisha kandi bakaba batagomba kugira icyo bavuga kuko ari  abahutu, Biruta w’umututsi akaba ariwe uri kuziba icyuho mu gihe abasilikare batarumvikana inkotanyi y’umusilikare izafata intebe ya Paul Kagame!

Ku mbuga nkoranyambaga bakaba berekanye ko Kagame bavuga ko yakingiwe uyu munsi ari ikinyoma, kuko bahise bafata ifoto ya Perezida Habyarimana Juvénal nawe bakamwerekana ari gukingirwa! Ko urujijo rwo kubura kwa Paul Kagame rukomeje kwiyongera ndetse rukaba runateye impungenge , ni nde uzahumuriza abanyarwanda? Ese igihugu kiri kugana he?  Icyakora nagira inama FPR kureka gukinisha Paul Kagame mu ikoranabuhanga kuko sibo barikoze, Paul Kagame niba akirimo umwuka , niyiyereke abaturage imbonankubone  aho gukomeza gukinisha amafoto ye sinema. Abakunda u Rwanda bagomba gutekereza ikigomba gukorwa kuko akajagari kagiye kumaraho Abanyarwanda!

Veritasinfo