Rwanda: Umunyamakuru CYUMA w’Ishema TV ashobora kwicwa na virusi y’ubutegetsi bubi bikitwa ko yiyahuye!

Umunyamakuru CYUMA w'Ishema TV akurwa n'abaturage kubera kugaragaza akarengane kabo.

“Muzagaye ikindi virusi y’ubutegetsi bubi bwa Kagame, ariko ntimuzayigaye kubika inzika, kubiba amacakubiri no kwica vuba abo yibasiye bose”! Ubu iyo virusi y’ubutegetsi bubi bwa Kagame irimo irarusha coronavirusi COVID-19 kwica abantu vuba, ubu ikaba igiye kurimbura abanyamakuru bagaragaza akarengane rubanda ikorerwa n’ubwo butegetsi.

Umunyamakuru NIYONSENGA Dieudonné uzwi ku izina rya CYUMA uyobora  igitangazamakuru cy’Ishema TV gikorera kuri YouTube ubu ari mu mazi abira kuko yatawe muri yombi n’abicanyi ba RIB bamushinja icyaha ngo cy’uko yarenze kumabwiriza yashyizweho n’abo bicanyi yo kwirinda icyorezo cya coronavirusi COVID-19 ndetse bakamugerekeraho n’icyaha cy’uko ngo yashatse kurwanya abo bicanyi ubwo bamutaga muri yombi!

Amakuru “Veritasinfo” icyesha abakurikiranira hafi dosiye y’ifungwa rya CYUMA yemeza ko mu byukuri uwo munyamakuru CYUMA afungiye inkuru yatangaje ku rupfu rwa Mutagatifu Kizito Mihigo, aho yagaragaje ko yabonye umurambo we ufite ibikomere, aribyo bivuga ko Kizito Mihigo yishwe aamaze gukorerwa iyicarubozo! Ubu twandika iyi nkuru umunyamakuru CYUMA nawe ari gukorerwa iyica rubozo  kandi nawe akaba ashobora kwicwa n’abo bicanyi nk’uko Kizito Mihigo yishwe!

Kuba ubu butegetsi bw’umwicanyi Kagame bwibasiye abanyamakuru ntabwo bitewe ni ibihe isi irimo byo kwirinda icyorezo cya coronavirusi COVID-19 ahubwo ni akanya abonye ko kwikiza umuntu wese uvuga ibikorwa bibi arimo akorera abanyarwanda! Ubwo butegetsi bwa Kagame nibwo bwonyine kuri iyi si nzima bufunze abanyamakuru barenga 6 bubahora ko ngo bishe amategeko ya “Guma mu nzu”! Abicanyi b’i Kigali ariko baribeshya ntabwo ubwicanyi bwabo bazabuhishira ngo bikunde!

U Rwanda ni agahugu gato cyane, icyogajuru kimwe gusa kirahagije ngo kimenye amakuru n’amahano abicanyi ba FPR barimo bakorera abaturage! Uretse nibyo kandi umunyarwanda wese yabaye nk’umunyamakuru; nubwo ikoranabuhanga mu itumanaho ryabyoroheje, abanyarwanda bafite ubuhanga bukomeye bwo guhererekanya amakuru akagera kure bishoboka! Iminara y’itumanaho y’ibihugu bikikije u Rwanda nayo yoroshya akazi kuburyo amakuru avuye mu Rwanda agera ahantu hose ku isi mu kanya gato nko guhumbya!

Guhohotera abanyamakuru cyangwa kwica CYUMA nta kintu na gito bizahindura ahubwo bizarushaho kwandagaza abicanyi b’i Kigali, gusa aho ibintu bigeze leta ya Kagame yataye umutwe kuburyo idashobora gusobanura ibyo ikora, niyo mpamvu abanyamakuru mpuzamahanga bashakisha abo bicanyi ngo basobanure ibikorwa byabo hakabura n’umwe ubitaba!

Uyu ni umuntu uryamye ku muhanda kubera inzara,akaba aryamye iruhande rw’uruganda rw’icyayi rwa Pfunda! Ntabwo byasabye abanyamakuru kugirango iyi foto ye ikwire ku isi yose!

Nk’ubu hari amashusho ari ku mbuga nkoranyambaga ari kwerekana imirambo y’abantu bari kwicwa n’inzara mu Rwanda, abandi bakaba bari kwicwa na COVID-19 ariko leta y’abicanyi ikicecekera ikaryumaho, none se bizakomeza gutyo?  Kuki se ayo makuru ari kujya hanze kandi barafunze abanyamakuru bavuga akarengane k’abaturage?

Abanyarwanda bagomba gufata ingamba zo kwinarwaho, naho ubundi barashirira ku icumu dore ko ubu bagiye kubakamuramo amafaranga yo kugura udupfukamunwa kugirango umwicanyi Kagame abone amafaranga yo kuziba icyuho kuko isoko ry’amabuye y’agaciro asahura muri Congo ryahagaze kubera COVID-19!

Radiyo “Ubumwe” yateguye ikiganiro gisesengura ibibazo bya leta ya Kagame harimo no gufunga abanyamakuru!

 

S’abonner
Notifier de
guest
0 Commentaires
Inline Feedbacks
View all comments