Rwanda: Umusizi Innocent Bahati yishwe na FPR-Inkotanyi nk’uko yishe Lt.Col. Augustin Cyiza

Umusizi Innocent Bahati nawe FPR yamwambuye ubuzima akirimuto.

Kuri uyu wa gatatu taliki ya 16 Gashyantare 2022, umuvugizi w’umutwe w’abicanyi  washinzwe na leta ya Kigali ariwo RIB, Bwana Murangira Thierry yaciye amarenga y’urupfu rw’umusizi Innocent Bahati wanyerejwe n’abicanyi ba FPR taliki ya 7 Gashyantare 2021. Thierry Murangira yavuze ko Innocent Bahati yahungiye mu gihugu cya Uganda anyuze mu nzira zitemewe ariko akaba atagaragaza aho aherereye muri icyo gihugu! Iki kinyoma cy’umuvugizi w’abicanyi nicyo gisubizo kigiye guhabwa abanditsi, abanyabugeni n’abasizi barenga 300 bandikiye umwicanyi mukuru Paul Kagame bamusaba kugaragaza aho umusizi Innocent Bahati aherereye!

Igisubizo cya Thierry Murangira gihuye nicyo Muligande yatanze mu mwaka w’2003 ubwo FPR yari imaze kwica Lt. Col. Cyiza Augustin. Mu mwaka w’2003, abicanyi b’inkotanyi bashimuse Lt.Col. Cyiza Augustin baramwica, barangije umurambo we bajya kuwutaba Indera bamaze kuwuca umutwe. Nyuma y’imyaka micye cyane, umurambo wa Lt.Col. Cyiza warataburuwe, kimwe n’indi mirambo y’abandi bantu bicwa n’Inkotanyi, maze ujya gushyingurwa mu rwibutso rw’Abatutsi bishwe , byitwa ko ari umurambo w’umutsi wishwe n’interahamwe muri Mata 1994!

Uyu ni Lt.Col.Cyiza Augustin yakira Paul Kagame nk’umunyarwanda uje mu gihugu cye nyuma we akamuhemba urupfu!

Muri gahunda yo kujijisha, abicanyi b’inkotanyi bafashe imodoka ya Lt.Col. Cyiza Augustin bayijyana ahitwa Kaniga i Byumba ku mupaka w’u Rwanda na Uganda! Ubwo abanyamakuru babazaga Muligande wari ministre w’ububanyi n’amahanga ibyerekeranye n’ishimutwa rya Lt.Col. Cyiza Augustin, yabasubije ababwira ko Lt.Col.Cyiza Augustin yahunze u Rwanda agasanga interahamwe bene wabo mu mashyamba ya Congo! Icyo kinyoma cya Muligande nicyo abicanyi bo muri RIB bifashshije mu kuvuga ko umusizi Innocent Bahati nawe yahunze igihugu agasanga bene wabo b’Abatutsi bari muri Uganda barwanya ubutegetsi bwa leta y’abicanyi b’i Kigali!

Thierry Murangira ntabwo yigeze avuga akarere  Innocent Bahati aherereyemo muri Uganda, nta nubwo yavuze ko amakuru yemeza ko ari muri Uganda yayahawe na leta y’icyo gihugu cyangwa se umuryango we! Amakuru y’uko Innocent Bahati ari muri Uganda Thierry Murangira yayakuye he? Niba abicanyi bo muri RIB bafite amakuru y’uko Innocent Bahati ari muri Uganda, ubwo bazi n’aho aherereye, kuki batahavuga? Nk’uko Murangira avuga ko hari abandi bantu byagiye bivugwa ko banyerejwe nyuma bikagaragara ko bahunze , byaba byiza yerekanye ko na Bahati yagaragaye ari mu buhungiro!

Leta y’abicanyi y’i Kigali nireke kubeshya kuko Abanyarwanda barayizi kandi n’amahanga yamaze kuyimenya! Kuba bariya banditsi n’abahanzi bari ku isi yose barandikiye umwicanyi mukuru Kagame bamusaba kwerekana Innocent Bahati, ni uko bazi neza ko ariwe wamushimuse; abicanyi ba RIB bari bakwiye kuba abagabo bakerekana umurambo wa Innocent Bahati naho ibyo kuvuga ko yahungiye muri Uganda ni ugusetsa imikara!

Gusa rero ubu bwicanyi bwose bukorwa n’inkotanyi zimenye ko zizabubazwa byanze bikunze, kandi inkotanyi zigomba kumenya ko kuri iyi isi nta muntu numwe uyivaho atarishye umwenda w’ibibi yayikozemo! Innocent Bahati yishwe nka Niyomugabo, Kizito, Jay Polly n’abandi benshi tutarondora amazina bishwe n’inkotanyi.

Imana imuhe iruhuko ridashira kandi twihanganishije umuryango we.

Veritasinfo

6 Comments

  1. I visited many websites, but yours is probably the most interesting I found, and your article "Rwanda: Umusizi Innocent Bahati yishwe na FPR-Inkotanyi nk’uko yishe Lt.Col. Augustin Cyiza" is very interesting ! Keep going 🙂 And have a look to my new website : https://www.taobao.fr/ !

  2. hari umuntu wavuze ko kugira isoni ari icyimenyetso cy’ ubugabo, naho kutagira isoni akaba ikmenyetso cy’ ububwa buvanze n’uburwayi.

    FPR na Kagame kabisa baneye isoni bikabije koko. Kwumva bavuga ko Bahati yahungiye ibugande kandi imipaka yari ifunze, bagatinyuka bati Kizito yariyahuye muri Prison zo mu Rwanda akoresheje ishuka ngo yaziritse kw’ idilishya. Ifungwa mu Rwanda nta mashuka zigira, amadirishya yaho aho ari ni mato cyane kuburyo kugira ngo ukore ibyo bavuga kuri Kizito waba ufite uburebure bwa 50 cm. Siniriwe mvuga ko ntafungwa igira icyumba cyayo yonyine

    Ariko aho berekana ko ari PUMBAFU, ari ibisimba nuko bafata amagufa y’abahutu banga urunuka bakayita amagufa y’ ABATUTSI. Aho bakora ibishoboka byose kugira ngo abatutsi bene wabo bicwe nkuko byabaye mu Rwanda (1994) cyangwa muri Kongo igihe batera Kabila le père. Siniriwe Jenoside bateguye yo kwica abatutsi muri 2015 (iBurundi) maze bagasanga Nkurunziza ari maso.

    Amakuru mfite nuko Kagame ari gushaka ko muri Uganda haba imvururu maze ABAHIMA bakicwa bityo akanavanaho Museveni. Ibi ni ibimenyseto buko baneye isoni, nta fierté bagira, banga ikiremwa muntu cyose kabone niyo cyaba ari ubwoko bwabo.

    • Ubwose urero ukaba uvuze ubushakashatsi bwawe wakoze nonese abahutu habyarimana yishe 1973 ntibari ubwoko bwe umva ingoma yose iyo ibonye uyibangamiye aho yaba abarirwa hose iyo babonye uko bamwirenza baramwirenza ibyo bindi uvuga na manjwe na matiku yanyu muhorana

      • Nimba koko uryama ugasinzira ukanabyina itsinzi umaze guhaga umusaruro mwibye muri Kongo aho mwishe miliyoni 6, uri monstre koko.

        By the way, uy’ umunsi iBruxelles, noneho abanyekongo bahora baza kubwira Kagame ko ari JENOSIDERI birashye mu ntore barazikubita. Nizeye ko wari mu ntore zaje gushyigikira Hitler tropical

Les commentaires sont fermés.