Rwanda:”Niba ari abagabo, bazampamagare mu rubanza rwa Kabuga Félicien mpangane n’abamushinja gukora jenoside” ! (Faustin Twagiramungu).

Umwicanyi Paul Kagame yabwiye ikinyamakuru kimwamamaza cyane kitwa “jeune Afrique” ko atashimishijwe cyangwa ngo ababazwe n’uko Kabuga Félicien yatawe muri yombi! Icyo gisubizo cya Kagame ku ifatwa rya Kabuga kikaba gitangaje cyane  ariko kandi kikaba gifite impamvu yakivuze atyo kuko urubanza rwa Kabuga ruzambika ubusa Paul Kagame nk’uko Bwana Faustin Twagiramungu abishimangira!

Mu kiganiro yagiranye n'”Ikondera libre”, Bwana Faustin Twagiramungu yagaragaje ko Kabuga Félicien azatsinda urubanza ashinjwa rwo kugira uruhare muri jenoside yabaye mu Rwanda mu mwaka w’1994 kiretse abamwunganira mu mategeko bagize uburangare. Twagiramungu avuga kandi ko Kabuga aramutse ahamijwe icyaha cyo kugira uruhare muri jenoside yaba arenganye nk’uko hari abandi banyarwanda benshi bagiye barengana muri ubwo buryo!

Twagiramungu yatanze ibisobanuro byumvikana neza bigaragaza ko ibirego barega Kabuga Félicien byo kugira uruhare muri jenoside nta shingiro bifite, Twagiramungu yemeza ko Kabuga azira umutungo we wasahuwe na Paul Kagame kandi akaba yaranze gutanga imisanzu muri FPR Inkotanyi igihe yarwanaga ivuye muri Uganda. Twagiramungu agira ati:

“Ndambaza Imana kuba nkiriho, abanyarwanda benshi bazi ko ndi muri politiki kugirango ndwanire ubutegetsi, ntabwo aribyo, ubu nsigaye nishimira ko nshobora gusobanura amateka abana batamenye, njye namenye kuva mu 1959 kugeza ubu… Kabuga ni inshuti yanjye yari afite imigabane muri STIR nayoboraga, ibyerekeranye n’ubucuruzi bwe nkaba mbizi neza….ibyo mvuze aha, niba ari abagabo bazampamagare nzabivugire mu rukiko, hanyuma berekane undi muntu uzi Kabuga umushinja ko ibyo bamurega aribyo, ntawe bazabona! Ni nde? uwo muntu naboneka bazamuzane duhangane!

Twagiramungu avuga ko atari Kabuga gusa Kagame yambuye ibye kuko n’abacuruzi bamufashije kimwe n’abanyepolitiki bari kumwe nawe yabishe, abandi akabafunga abasigaye bagahunga, maze akabambura ibyabo!

Fungura hasi aha wumve ku buryo burambuye ikiganiro cya Twagiramungu Faustin ku rubanza rwa Kabuga

S’abonner
Notifier de
guest
0 Commentaires
Inline Feedbacks
View all comments