USA: Donald Trump yirukanye ‘minisitiri’ w’ingabo

Perezida Donald Trump wa Amerika amaze gutangaza ko Mark Esper wari umunyamabanga wa leta (yagereranywa na minisitiri) ushinzwe ingabo ibye ‘byarangijwe’.

Iki ni icyemezo cya mbere gikomeye Bwana Trump atangaje mu bubasha bwe nyuma y’uko imibare y’ibyavuye mu matora igaragaje ko yayatsinzwe.

Bwana Trump, yifashishije Twitter, yahise atangaza minisitiri w’ingabo w’agateganyo mushya ko ari Christopher C. Miller. Kuva mu kwezi kwa gatandatu Mark Esper na Donald Trump ntibavugaga rumwe.

Mark yamaganye ku mugaragaro icyemezo cya Trump cyo kohereza ingabo guhangana n’abigaragambyaga bamagana ivanguramoko muri Amerika, nyuma y’iyicwa rya George Floyd.

Byari byitezwe ko nyuma y’amatora, Mark Esper – wagiye kuri uyu mwanya mu 2019 – ashobora kwegura, cyangwa akirukanwa na Trump.

Christopher C. Miller umusimbuye, yari asanzwe ari umunyamabanga wa leta wungirije wa minisiteri y’ingabo ukuriye ishami ryo kurwanya iterabwoba imbere muri Amerika.

Ku ifoto: Donald Trump na Mark Esper (hagati) ubwo yari amaze kurahirira imirimo mishya mu kwezi kwa 7/2019

Source: inkuru ya BBC Gahuza

Subscribe
Notify of
guest
2 Comments
Oldest
Newest Most Voted
Inline Feedbacks
View all comments
Quivivraverra
Quivivraverra
10 November 2020 10 h 53 min

Hahah DT ko mbona yavangiwe noneho? Arafata ibyemezo nka bimwe bya Kambanda na Sindikubwabo bafataga bari Ku mupaka Gisenyi-Goma!

MUGABO
10 November 2020 15 h 24 min

Trump yavangiwe nk’uko abarwanya Kagame bavangiwe. Basigaye barota ngo Kagame yapfuye Kandi ari mutaraga. Najyaga mbivuga nti abarwanya President Kagame bazasaza basaze bakagirango ndabeshya.